Улсын Их Хурлаас шүүхийн шинэтгэлийн хүрээнд батлагдсан хуулиудын хэрэгжилттэй танилцах үүрэг бүхий Хууль зүйн байнгын хорооны ажлын хэсгийн гишүүд болох Улсын Их Хурлын гишүүн Р.Бурмаа, Д.Ганбат, Ц.Оюунбаатар болон холбогдох албаны хүмүүс 2014 оны 01 дүгээр сарын 27-ны өдөр Шүүхийн ерөнхий зөвлөлийн үйл ажиллагаатай танилцлаа.

Уулзалтад Шүүхийн ерөнхий зөвлөлийн дарга, гишүүд, ажлын албаны нэгжийн удирдлагууд байлцаж, шүүхийн шинэтгэлийн хүрээнд хийсэн ажлын талаар болон тулгамдаж буй асуудлаар мэдээлэл хийлээ.