Монголбанкны Хяналтын зөвлөлийн дарга, гишүүнд нэр дэвшигчтэй хийх нэр дэвшигчийн сонсголыг Улсын Их Хурлын Эдийн засгийн байнгын хороо 2025 оны 01 дүгээр сарын 14-ний өдөр Төрийн ордонд зохион байгуулах тул иргэн, хуулийн этгээд, хэвлэл мэдээллийн байгууллагуудын төлөөлөл Та бүхнийг оролцохыг урьж байна.

Бүртгэл: 2025 оны 01 дүгээр сарын 07-ны өдрийн 17:30 цаг хүртэл явагдах тул нэр дэвшигчийн сонсголд оролцох хуулийн этгээдийн төлөөлөл, иргэн бол овог, нэр, холбогдох утасны дугаар, нэр дэвшигчдээс асуулт асуух эсэх зэргийг бүртгэлийн хуудасны дагуу бөглөж ирүүлнэ үү.

Оролцогчдын талаарх мэдээлэл: Оролцогчдын тоо хязгаартай тул хүсэлт ирүүлсэн дарааллаар баталгаажуулах бөгөөд бүртгэл дуусмагц нэрсийг Улсын Их Хурлын www.parliament.mn цахим хуудаст байршуулна.

Нэр дэвшигчдийн мэдээлэл: Монголбанкны Хяналтын зөвлөлийн даргад Н.Ууганбаатар, гишүүнд С.Лхагвадорж, Г.Тэлмэн, У.Хосжаргал, Т.Тэлмэн, Г.Эрдэнэбаяр, Д.Энхжаргал нарыг Улсын Их Хурлын Эдийн засгийн байнгын хорооноос нэрийг дэвшүүлсэн байна.

Монголбанкны Хяналтын зөвлөлийн дарга, гишүүнд нэр дэвшигчийн танилцуулгатай дараах холбоосоор танилцана уу.

Н.Ууганбаатар

С.Лхагвадорж

Г.Тэлмэн

У.Хосжаргал

Т.Тэлмэн

Г.Эрдэнэбаяр

Д.Энхжаргал

Шуудангийн хаяг: 14201 Улаанбаатар хот, Сүхбаатар дүүрэг, Төрийн ордон-305, /Лавлах утас: 260749/

Цахим шуудангийн хаяг: uugantsetseg@parliament.mn

Жич: “Монгол Улсын Төрийн ордны хамгаалалт, үйлчилгээний журам”-д заасны дагуу оролцох хүмүүсийн иргэний үнэмлэхийг үндэслэн албаны болон үндэсний хувцастай Төрийн ордонд нэвтрүүлнэ.

Эдийн засгийн байнгын хорооны Ажлын алба