“Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай” Улсын Их Хурлын тогтоолын төслийг Улсын Их Хурлын чуулганаар хэлэлцүүлэх бэлтгэл хангах үүрэг бүхий ажлын хэсгийн хуралдаан 2015 оны 6 дугаар сарын 22-ны өдрийн 16.00 цагт Төрийн ордны “Г” танхимд  хуралдав.

Хуралдаанд Улсын Их Хурлын гишүүн, ажлын хэсгийн ахлагч Ө.Энхтүвшин, Улсын Их Хурлын гишүүн  С.Дэмбэрэл, Д.Зоригт, А.Тлейхан  болон холбогдох албан тушаалтнууд оролцов.

Тогтоолын төслийн талаар УИХ дахь Монгол ардын нам,  Ардчилсан намын бүлгүүдээс гаргасан саналуудын талаар ярилцаж, тэдгээр саналуудыг Байнгын хорооны хуралдаанд оруулж, хэлэлцүүлэхээр тогтов.

Эдийн засгийн байнгын хорооны Ажлын алба