Монгол Улсын Их Хурлын 2013 оны 63 дугаар тогтоолын 2 дахь заалтад “Шүүхийн ерөнхий зөвлөлийн төсөвт цалин, урамшууллын зардлыг 15,0 тэрбум төгрөгөөр нэмэгдүүлсэнтэй холбогдуулан шүүгчдийн цалин, нэмэгдлийн хэмжээг Улсын Их Хурлаар батлуулахыг Шүүхийн ерөнхий зөвлөлд даалгасугай” гэж заасны дагуу Шүүхийн ерөнхий зөвлөлөөс Улсын Их Хуралд 2014 оны 01 дүгээр сарын 06-ны өдөр өргөн мэдүүлсэн “Шүүгчийн албан тушаалын цалингийн хэмжээг тогтоох тухай” Улсын Их Хурлын тогтоолын төслийг Улсын Их Хурлын чуулганы нэгдсэн хуралдаанаар хэлэлцүүлэх бэлтгэл ажлыг хангах, санал, дүгнэлтийн төсөл боловсруулах үүрэг бүхий ажлын хэсгийн хуралдааны ирц хүрээгүй болно.

Улсын Их Хурлын гишүүн, ажлын хэсгийн ахлагч Р.Бурмаа, Улсын Их Хурлын гишүүн Д.Ганбат нар ажлын дэд хэсгийн гишүүдэд дараагийн хуралдаанд бэлтгэж ирэх ажлын талаар үүрэг чиглэл өглөө. 

            Тоймыг бэлтгэсэн: Хууль зүйн байнгын

            хорооны референт Ч.Батбямба