Галын аюулгүй байдлын тухай хуулийн шинэчилсэн найруулга болон холбогдох бусад хуулийн төслүүдийг Улсын Их Хурлын чуулганы нэгдсэн хуралдаанаар хэлэлцүүлэх бэлтгэл хангах ажлын дэд хэсгийн хуралдаан 2015 оны 4 дүгээр сарын 13-ны өдөр Төрийн ордонд хуралдав. Уг хуралдаанаар Улсын Их Хурлын гишүүд болон ажлын дэд хэсгийн гишүүдээс хуулийн төслийн талаар гаргасан саналуудыг нэг бүрчилэн хэлэлцээд тэдгээрийг нэгтгэн томьёолж, үндсэн ажлын хэсэгт танилцуулахаар тогтлоо.