Хуралдаанд Улсын Их Хурлын гишүүн, Ажлын хэсгийн ахлагч Л.Эрдэнэчимэг, Ж.Батсуурь, С.Ганбаатар, А.Тлейхан, Эрүүл мэндийн яамны Бодлогын хэрэгжилтийг зохицуулах газрын дарга Я.Буянжаргал, Санхүү, хөрөнгө оруулалтын хэлтсийн дарга Д.Төмөрбаатар, Үндэсний аудитын газрын Гүйцэтгэлийн аудитын газрын Нэгдүгээр хэлтсийн захирал Г.Гүнжидмаа, шинжээч М.Доржмаа, нийслэлийн Засаг даргын нийгмийн хөгжлийн асуудал хариуцсан орлогч Ц.Энхцэнгэл болон Байнгын хорооны Ажлын албаны ажилтнууд оролцлоо.

Хуралдаанаар Ажлын хэсгийн танилцуулга, хяналт шалгалтын үр дүн, Үндэсний аудитын газрын тайлан болон Байнгын хорооны тогтоолын төслийг хэлэлцлээ.

Улсын Их Хурлын гишүүн, Ажлын хэсгийн ахлагч Л.Эрдэнэчимэг Ажлын хэсгийн танилцуулга болон тогтоолын төслийг ажлын хэсгийн гишүүдэд танилцууллаа.

              Хуралдаанаар Ажлын хэсгийн танилцуулга, Байнгын хорооны тогтоолын төсөлд Улсын Их Хурлын гишүүдээс гаргасан саналыг тусгах, Эрүүл мэндийн сайд Н.Удвал, нийслэлийн Засаг дарга бөгөөд Улаанбаатар хотын захирагч Э.Бат-Үүлд болон холбогдох хууль хяналтын байгууллагад эмнэлгийн байгууллагуудын эзэмшил газрыг хууль бусаар олгосон газар эзэмших зөвшөөрлийг цуцлах, эзэмшил газрыг чөлөөлөх асуудлыг судлан үзэж, арга хэмжээ авах тухай албан бичиг хүргүүлэхээр тогтов.

             Ажлын хэсгийн хуралдаан 15.20 цагт өндөрлөв.

НИЙГМИЙН БОДЛОГО, БОЛОВСРОЛ, СОЁЛ, ШИНЖЛЭХУХААНЫ БАЙНГЫН ХОРООНЫ АЖЛЫН АЛБА