Монгол Улсын Засгийн газраас 2013 оны 4 дүгээр сарын 10-ны өдөр Улсын Их Хуралд өргөн мэдүүлсэн Төлбөрийн чадваргүй яллагдагчид үзүүлэх хууль зүйн туслалцааны тухай хуулийн төслийг анхны хэлэлцүүлэгт бэлтгэх ажлын дэд хэсгийн хуралдаан 2013 оны 5 дугаар сарын 13-ны өдрийн 13 цаг 00 минутаас төрийн ордоны В танхимд болов. Ажлын хэсэгт мэргэжил арга зүйн туслалцаа үзүүлэх үүрэг бүхий Улсын дээд шүүх, прокурорын газар, Хууль зүйн яам, Шүүхийн шийдвэр гүйцэтгэх ерөнхий газар, Цагдаагийн ерөнхий газрын  холбогдох албан тушаалтнуудаас бүрдсэн Дэд хэсгийн гишүүд оролцов. Ажлын дэд хэсгийн ахлагч Улсын Их Хурлын гишүүн Ж.Батзандан санал, дүгнэлт боловсруулахдаа Улсын Их Хурлын гишүүдээс гаргасан саналуудыг харгалзан үзэж, тусгахыг чиглэл болголоо.  

Хууль зүйн байнгын хорооны ажлын алба