Монгол Улсад Нотариатын байгууллага үүсч, хөгжсөний 92 жил, “Монголын Нотариатчдын танхим” төрийн бус байгууллага үүсэн байгуулагдсаны 20 жилийн ойд зориулсан шатрын тэмцээнд УИХ-ын Тамгын газрын баг амжилттай оролцлоо.

Тус тэмцээнд УИХ-ын Тамгын газрын МХШҮХ-ийн референт Г.Алтан-Оч хоёрдугаар байр эзэлж, мөнгөн медаль хүртжээ.

Тэмцээн гурван ширээн дээр багийн төрлөөр, тойргийн журмаар 11 тойрог, талдаа 15 минутын цагийн хяналттай явагдсан бөгөөд Г.Алтан-Очоос гадна ахмад ажилтан Г.Чулуун, Д.Ламжав нар багийн бүрэлдэхүүнд багтан оюун ухаанаа сорьсон байна хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.